S Ö Z A L T I

28 may 1997 b.dortmund - yuventus matçı | idman

1996-97 Uefa çempionlar liqasının finalı. Hazır dortmund da finala çıxmışkən yad ediləsi oyunlardan biridi. Bura qədər 1995 və 1996 bundesliqa çempionu olan Dortmund o sezon b qrupunda 6 oyuna 4 qələbə, Polşanın widzew lodz klubu ilə 2-2 heç-heçə və evdə atleticoya 1-2 hesabla məğlub olaraq 13 xal və averajla Atletico Madridin gerisində 2-ci olmuşdu. Juventus isə c qrupunda 5 qələbə və səfərdə Rapid wienlə 1-1 qalaraq 1-ci olmuşdu. Yeri gəlmişkən, fənərbağçanın Manchester unitedi elvir boliçin qoluyla 1-0 məğlub etdiyi həmin o məşhur oyun da bu qrupda baş vermişdi. Bununla da Unitedin Avrokubok oyunlarında Old Trafforddakı 40 illik məğlubiyyətsizlik seriyası başa çatmışdı.
4/1-də dortmund 1996-cı ilin Fransa çempionu və öz qrupunu 1-ci bitirən Auxerre-i rahatlıqla 3-1 və 0-1 hesabı ilə keçir. Yuventus da nisbətən rahat rəqib olan norveçin rosenborg klubunu 1-1 və 2-0 la keçir. ( deyirəm dönəmin çempionatlarına baxe. İndi nəinki Rosenborgu və Auxerre-i hətta o dövrün güclü Hollandiya klublarını da 8/1-də görmək çətin məsələdi. Türklər demiş makas çox açılıb.) yarımfinalda borussiya Manchester unitedi hər iki oyunda da 1-0 məğlub edir. Maraqlıdı ki, bu matçlar 2024 sezonunun psg ilə olan oyunlarının kopyasıdı. Juventus 1996-cı ilin finalında qalib gəldiyi Ajaxı 1-2 və 4-1 hesabı ilə darmadağın edir. Bu arada Ajax da 1994-95 çempionlar liqası çempionu idi. İzlədiyim ən yaxşı Ajax komandalarından biri idi. Milanı həm öz qruplarında 2 dəfə, həm də finalda keçmişdilər. Z kuşağı nə var bunda? Milan onsuzda zəifdi desə də, söhbət əfsanə milandan gedir.
Və 28 may 1997. Bavariyanın keçmiş evi Münhen olimpiya stadionu. Möllerin, kohlerin, riedlenin, chapuisatın və baş məşqçi ottmar hitzfeldin dortmundu deşamın, zidanın, vierinin, Del pieronun və əfsanəvi baş məşqçi, bundan 9 il sonra İtaliya milli komandasına dünya çempionluğu qazandıran marçello lippinin yuventusuna qarşı. Əlbəttə ki, keçən ilin çempionu Yuventus favorit idi. Amma 29-cu və 34-cü dəqiqədə euro 1996-da ingiltərənin xəyallarını puç edən Karl heinz riedle səhnəyə çıxdı. Yuventus şok olmuşdu. 1-ci dövrə belə bitdi. 2-ci dövrədə isə nələr oldu nələr. Zidanın dirəkdən dönən topu, vierinin əl ucbatından sayılmayan qolu və del pieronun əla daban qolu. Hesab 2-1 olmuşdu. Amma 70-ci dəqiqədə Chapuisatın əvəzinə meydana daxil olan və bütün karyerasını yalnız Borussiya dortmunda fəda edən Lars Ricken abimiz oyuna girdi. Və girəndən 16 saniyə sonra çempionlar liqası finallarının bəlkə də ən yaxşı qolunu vurdu. Yuventusun qapıçısı peruzzi çox öndə dayanırdı oyunlarda. Bunu görən möller pası Rickenə verir və Ricken xarüqə yaradır. 20 dəqiqə sonra isə oyun bitir. Və dortmund tarixinin ilk çl finalında qalib olur. Haşiyəyə çıxım: 2013-də bavariyaya uduzan dortmund da pis komanda deyildi. Sadəcə bəxtləri gətirmədi. Bu il isə Real madridlə işləri çox çətin olacaq. Çempionluq xəyaldır. 27 il öncə də xəyal idi amma bacardılar. Görək bu il necə olacaq.

Əfsanəvi fosforlu sarı forması ilə Dortmund komandası


Həmin o məşhur vuruş



Seremoniya





Bu da türkçə icmal

https://www.dailymotion.com/video/x60fuiv

tissot prx | texnologiya

Son illərin ən "xod" gedən qol saatı. Ölkəmiz standartları üçün baha olsa da 1000 dollardan ucuz olduğu üçün birinci dünya ölkələrində "affordable" seqmentinə daxil olur.


Tissot, saatın dizaynının 70-ci illərdə satdığı tissot seastar modelindən götürüldüyünü deyir.

Amma həmin seastar modelinin dizaynının da Audemars Piguet royal oak-dan ilhamlandığını hər kəs yaxşı bilir.

Saatın bilərziyi royal oak-da olduğu kimi inteqrasiya olunmuş bilərzikdi. Yəni bilərziyin saatın gövdəsinə birləşən birinci parçası gövdəyə inteqrasiya olununub və tam qatlanmır.

Elə bu səbəbdən də saatın ayaqdan-ayağa (lug to lug) uzunluğu xeyli böyükdü. Belə olan halda qol ölçünüz incədisə saatın bilərziyi qolunuzdan kənara "daşır".

Normalda 42-43 mmlik saatları rahatlıqla taxan mənim belə biləyimdə 40 mmlik versiyası böyük görünürdü. Ona görə alarkən taxıb yoxlamaq lazımdı.
Kvars versiyada sferblat sadə dizayndadı. Xəfif sunburst effekti var.

Mexaniki versiyada isə vafli dizaynına sahibdi

Saatla bağlı ən böyük müzakirə mövsuzu içindəki mexanizmdir. Powermatic 80 mexanizmi 80 saat enerji rezervi versə də mexanizmin bəzi detallarının plastik olması fikir ayrılığına səbəb olub. Bəziləri plastik detalların metal detallar kimi bir-birinə sürtünərkən yeyilmədiyini və buna görə uzunömürlü olduğunu deyir. Bəziləri də plastik detalların aztapılan olduğu üçün saatın təmirinin çox çətin olduğunu deyir.
Saatın populyar olmasına görə tonla fərqli rəngi və versiyası mövcuddu.
35 və 40 mm-lik kvars versiya

35 və 40 mm-lik mexaniki versiya

42 mm-lik mexaniki xronoqraf versiya


Və ən bərbad versiya olan digital versiya


Alternativi üçün (baxma: citizen tsuyosa)

ray ban | sağlamlıq

1936-cı ildə qurulmuş olub 1999-cu ildən etibarən luxottica'nın tərkibinə alınan, Verdiyin pulun son qəpiyinə kimi layiq olan,
aviator wayfarer və clubmaster seriaları ilə məşhurlaşmış amerika mərkəzli eynək şirkəti. bütün təbəqələrdən olan insanlarçün əlçatan olan azsaylı brendlərdən biridir. Bir milyarderin də gözündə görmək mümkündür, orta gəlirli insanın da.

Materialının premiumluğunu əlinə aldığın andaca hiss edilir. möhkəm, dözümlü olmasına baxmayaraq yüngül və keyfiyyətli materialdan olması sayəsində burunun üstündə gözəçarpan izlər qoymur və eynək taxdığını belə unutdurur adama. Lensləri modeldən asılı olaraq polikarbonat və ya mineral şüşədir. Onsuz da yetəri qədər pul verilir deyə, məncə, bir azca artıq ödəyib mineral şüşə olanı almaq daha məntiqlidir.

Almaq istəyənlər üçün texniki 1-2 detala deyinim. Yəqin ki, eynək taxan hər kəs "50/22/150" tipli yazıların çərçivə ölçüsü, burun hissənin genişliyi və sap uzunluğunu bildirdiyindən agahdır. Deyildisə də, artıq öyrənmiş oldu. ray-ban Modellərinə göz atarkən əlavə olaraq, əksər hallarda "g15" yazısını görmək mümkündür. G15 ray-ban'in 1937-dən bu yana istehsal etdiyi ən əsas şüşəsidir. G15-lə bərabər "b15" yazısını da görmək mümkündür. Bu kodlar şüşənin kodlarıdır. "g" hərfi "green", "b" hərfi "brown" sözündən gəlir, şüşənin rəngini bildirir. "15" rəqəmi isə lenslərin filter göstəricisidir. işığın 85%-ni bloklayıb 15%-ni buraxdığını göstərir. Təbii ki, bunlar standart (yəni sadəcə uv qorumalı) lenslərə aiddir, polarizə lenslərdə durum dəyişir.

Polarizənin də nə olduğunu bilməyənlər üçün qısaca izah edim. Polarizə qat gözün yorulmaması və daha aydın görüş üçün istifadə olunur. Ən əsas özəlliyi rəngləri daha kontrastlı, daha canlı verməsi və ən əsası da, yansımaları önləməsidir.

Yansıma deyərkən işığın qışda qarın, buzun, yayda asfaltın, maşınların, suyun üzərində yaratdığı bütün növ üfüqi olan parıltıları nəzərdə tutulur. Düzü, yuxarıdakı şəkildə bir az şişirdilib, ancaq məntiqi başa düşmək üçün yetərlidir. Bu arada, diqqət etdinizsə, bir əvvəlki cümlədə "üfüqi" sözünə xüsusi vurğu etdim. Çünki şaquli olan(məsələn, yandan və ya binaların şüşələrindən gələn) parıltıları önləmir. Əslində, polarizənin niyə belə işlədiyinin məntiqini mən də tam dəqiq bilmirəm* biri çıxıb bu barədə entri yazsa, əla olardı . Ancaq müqayisə olaraq fotoqrafiyadan anlayışlı şəxslərə polarizə lens filterləri üzərindən başa sala bilərəm. İstifadə edənlər bilir ki, bu filterlər lensin önünə taxılanda təkər kimi 360 dərəcə döndürmək olur. Duruma uyğun olaraq onu fırladıb fotosu çəkiləcək yeri polarizə edirik. Lakin gün eynəklərində şüşənin üzərinə əlavə vasitə taxılmayıb birbaşa olaraq şüşənin özünə çəkildiyindən sadəcə müəyyən limitli bir bucaq altında olan parıltıları önləyir. işığı yansıdan və gözü yoracaq olan parıltılar əksər hallarda qar, buz, qızmar günəş altındakı asfalt, maşınların və suların səthləridir, hansılar ki, yerə üfüqi şəkildə paraleldir, ona görə də eynəklərdə şaquli yox, üfüqi işığın qarşısını alacaq formada polarizə qat çəkilir. * nəsə elə bil çox qəliz oldu

Bir ray-ban Eynəyi seçərkən onun polarizə olub-olmamasını anlamaq isə çox bəsitdir. Bütün Ray-ban eynəklərinin sağ (öndən baxanda sol) şüşəsinin küncündə marka adı kimi "ray-ban" yazısı olur. Əgər eynək polarizədirsə, marka adının yanına bir də "p" hərfi qeyd olunur

və şüşənin üstündə standart olaraq "g-15" stikeri deyil də, "polarized" yazılı sticker olur.

Eyni zamanda kodlama olaraq da eynəyin sol sapının içərisində ən sonda rəqəm və "p" hərfi ilə işarələnir. Misalçün öz eynəyimdəki kod:

Eynəyin qutusunun içərisində çıxan təlimatda sapdakı son 2 rəqəm və hərfin eynəyin günəş radiasiyasına qarşı nə dərəcədə qorunma təmin etdiyini bildirdiyi qeyd oıunub:
0 - çox zəif
1 - zəif
2 - orta
3 - yüksək
4 - çox yüksək
"n" hərfi "normal", "p" hərfi də dediyimiz kimi "polarized" anlamına gəlir.

Reddit'dən tutmuş quora'ya, ordan da üzü türk forumlarına qədər saysız-hesabsız başlıq açılaraq soruşulan, hətta bakıdakı rəsmi satış yerlərində belə cavabı tam əminliklə verilə bilməyən bir suala tam rəsmi bir cavab vermiş olum. Məsələ belədir ki, insanlar eynək alarkən "uv400 yoxsa polarized?" seçiminə düşürlər. Hər zaman da sual yaranır ki, "görəsən, polarizə eynəklər həm də uv400-dür?". Özüm keçən ay araşdırma edəndə dəqiq cavab tapmadığım üçün şirkətin amerikadakı müştəri xidmətlərinə mail yazdım. Sağ olsunlar, gün ərzində də cavabladılar və buradan elan edirəm mən də -*
"bütün ray-ban eynəklər uv400 qorumalı şüşəyə sahibdir. mavi işığın böyük çoxluğunu, uv-a və uv-b kimi zərərli şüaların isə 100%-nin qarşısını alırlar. yəni polarizə olan ray-ban'lar həm də uv400-dür. Lakin özlərinin qeyd etdiyi bir əmmanı da deyim. Polarizə olan ray-ban eynəklər g-15 (və ya b-15) kodlu şüşəyə sahib olduqları deyilsə də, "texniki olaraq" 15 sayılmırlar. Çünki mail'də qeyd olunmuşdu ki polarizə olduğundan bu şüşə normal işığın 89%-ni bloklayır və 11%-ni keçirir. Bu da "texniki olaraq" şüşənin g-15 deyil də g-11 olmasına gətirib çıxarır.

Son olaraq, ümumən gün eynəyi almaq istəyənlərə eynəksiz gəzəndə gözləri sulanan biri kimi mənim tövsiyəm o olardı ki, mütləq şəkildə polarizə olan eynək alsınlar* polarizə ray-ban üçün əlavə 50$ ödəməlisiniz . Xüsusilə də maşın sürənlər, uzun yola çıxanlar üçün həyat qurtaran şeydir polarizə eynək. Çünki mən özüm sadəcə uv400 olan eynək taxanda davamlı şəkildə "eynəyin də var, niyə gözlərini qıyırsan?" deyirdilər. Bunu istifadə edəndən sonra anladım ki, problem polarizə olmamasında imiş: o yansımalar gözümü qamaşdırırmış. Həmçinin, 200, 300, 500 - hər nə qədərdirsə, pula qıyın, mütləq şəkildə eynək işinin içində olan markaları alın. Ray-ban olmasın, olsun persol, oakley, tom ford, prada və s. Əsas odur güvənilir brend olsun. Həm də ki, yazıda qeyd etdiyim 85-89% işığı bloklamaq məsələsi də gözünüzü qorxuzmasın. İllər Əvvəl 50-60 manatlıq poddelka eynək taxırdım, hansı ki bildiyin adi qara plastik idi, "gün eynəyi" adı altında qaraldırdı hər yeri. Kiminsə axşam vaxtı gün eynəyi taxdığını görəndə də qəribsəyirdim ki, kor kimi heç yeri görmədiyi halda bu niyə gözündən çıxarmayıb? Dünən başıma gələn bir hadisədən sonra indi anlayıram o insanları. Dünən axşam şəhərdə dostumla qarşılaşanda "hava qaralıb, gün eynəyi niyə taxmısan?" deyəndə ayıldım ki, eynəyimi dəyişməmişəm, gözümdə qalıb. İnsan kağız üstündə "89% işığı bloklayır" cümləsini görəndə elə bilir ki, hər yeri zil qaranlıq edəcək. Di gəl ki, digər şəffaf eynəyimdən tək fərqi ətrafı cüzi bir yaşıl filterlə göstərməsidir, hansı ki buna rəğmən əşyaların rənglərində və tonlarında bir qram dəyişiklik yoxdur, necədirlərsə elə də görünürlər. Amma bununla belə günəş və ümumiyyətlə, digər işıqlar insanın gözünü bir qram da yormur* türklər demiş, ohh, dünya varmış. İndi oturub illərdir niyə ağıl edib düz-əməlli bir gün eynəyi almayıb gözlərimə əziyyət vermişəm deyə heyifsilənirəm.

Yekun olaraq, Ortalıqda həddindən çox geydirmə ray-ban var. Əvvəllər original ilə fake arasındakı fərqi lazer ilə şüşəyə qazınmış "rb" loqosundan, kodlardan və s şeylərdən anlamaq asan idi, amma indi elə fake ray-ban'lar var ki, heç illərin optikaçısı belə ayırd edə bilmir hansı originaldı, hansı fake. Yuxarıda bir yazar hər gələnin gözündə ray-ban olduğunu deyib, ancaq demək olar 90%-i fake ray-ban'dır. Odur ki, rəsmi satış nöqtələrindən almaq lazımdır. Bakıda occi və 28 mall'dakı sunglasshut mağazalarını məsləhət görürəm. Əsas da sunglasshut. Çünki ray-ban şirkəti luxottica'nın tərkibindədir və sunglasshut da luxottica qrupun məhsullarını satan ən əsas mağazadır. Türkiyədən alınacaqsa, atasun optik və elə ordakı sunglasshut məsləhətdir. Amma məncə, ən yaxşısı ya amazon'da rəsmi ray-ban mağazından və ya elə sırf ray-ban'ın öz saytından almaq ən yaxşıdır. 10-15 gün gözlə, amma ən azından için rahat olsun ki, tamamilə original, keyfiyyətli və ömürlük bir eynək almış olacaqsan. Həm də ki, öz saytında digər yerlərdə olmayan hər cürə "option"ları görmək mümkündür. İstədiyin kimi çərçivə, şüşə rəngini, polarizə olub-olmamasını, hətta üzərinə lazerlə söz yazılmasını belə seçmək olur. Şəxsi zövqümcə elə ən yaxşısı, wayfarer modelini almaqdır. 70 illik klassikləşmiş dizayn elədir ki, hər tip üz quruluşuna, hətta eynək yaraşmayan insanlara belə yaraşır. Əslində, wayfarer özü öz içərisində "classic/ ease/ new/ folding/ mega" olaraq 5 tipə bölünür. Entri yetəri qədər uzun olduğundan model fərqlərinə girib daha da uzatmaq istəmədim. 2 ay elə didik-didik araşdırma elədim ki, bildiyin satış mütəxəssisinə çevrilmişəm :d. Odur ki, almaq fikrinə düşən olsa, heç çəkinmədən mesaj qutumu yaşıllandıra bilər, əlimdən gələn hər köməyi edə bilərəm.

1984-85 serie a sezonu | idman

Serie a tarixinin ən gözlənilməz sonla başa çatan sezonu. Ümumiyyətlə bu sezon bir çoxlarına görə "serie a-nın serie a olduğu illər" ifadəsinin ilk ilidir. Amma real yanaşsaq 1982-83 sezonundan, yəni Michel Platininin Yuventusa transferindən sonra hər şey möhtəşəm olmağa başlayır. Zatən Yuventusda Gaetano Scirea, Antonio cabrini, Marco Tardelli, ən yaxşı çempion ola bilməyən komanda olan 1982 Braziliyasını ağlar qoyan Paolo Rossi və gəlmiş keçmiş ən yaxşı qapıçılar siyahısında mənə görə ilk 3-lükdə olan Dino Zoff da var idi. Platini gələndən sonra olur konfet.
Amma gələk bu sezona. Əsas Komandaların vəziyyətini ayrı-ayrı yazmağa çalışacam.
Yuventus keçən sezonu çempion olaraq bitirmiş və ümumilikdə 21 çempionluğa çatmışdı. Yayda lazionun super ulduzu Bruno giordano ilə razılığa gəlsələr də, bruno sonradan astronomik maaş tələb edir və iş pozulur. Zatən bu sezon lazio da serie b-yə düşür. Bruno da növbəti sezon Napoliyə keçir. Amma bu sezon yuventusun işləri yaxşı getmir və ilk 5-likdən kənarda qalırlar. Buna baxmayaraq komandanın ulduzu olan və 1984-də Fransa ilə Avropa çempionu olmuş Platini 18 qolla sezonun bombardiri olur. Serie a-dan əli üzülən Yuventus fikrini çempionlar liqasının keçmiş adı olan Çempion klublar kuboku turnirinə verir. Heysel faciəsinin baş verdiyi finalda məhz Platininin penaltisi nəticəsində Liverpool üzərində qələbə ilə Avropanın böyüyü olurlar.
Sezonun Daha bir önəmli hadisəsi isə tarixin ən yaxşı oyunçusunun Barcelonadan Napoliyə transfer olunması idi. Bəziləri Maradonanın Barcelonada istəniləni vermədiyini düşünərək onun kaprizli olduğunu bildirir. Amma Barcelona - Maradona məsələsi tamam başqa söhbət mövzusudur. Çoxları Napolinin çempion olmağını gözləsələr də bu 3 il sonra baş verir. Komandanın ən yaxşısı Maradona olsa da təkbaşına Napolini çempion etməsi imkansız idi. Ətrafında yaxşı oyunçular yığılandan sonra o, tarix boyu şimallılar tərəfindən lağ edilən və ələ salınan Neapolu 2 dəfə İtaliyanın böyüyü etməyi bacarır.
Fiorentina isə 82 Braziliyasının əfsanə kapitanı və karyerasında sadəcə 1 sezon Avropada oynayan Socratesi transfer edir. Amma matçlarda istəniləni verə bilmir, məşq üsullarını bəyənmir, həddindən artıq siqaret çəkir və içki içir, məşqçilərlə dalaşır və sezon sonunda Braziliyaya qayıdır.
Roma 1982-83 sezonunu çempion bitirəndən sonra 1984 Çkk turnirində liverpoola penaltilər seriyası nəticəsində məğlub olur. Romanın əsas ulduzlarından biri yenə 82 Braziliyasının oyunçusu olan Falcao idi. Onun çkk finalında penaltini vurmaqdan imtina etməsi, sol dizindən zədələnməsi, komandanın onun üçün həddən artıq pul xərcləməsi Falcaonun da sezon sonunda Braziliyaya qayıtması ilə nəticələnir.
Demək olar ki, sezonun ən yaxşı heyətlərindən birinə sahib olan İnter isə o qədər yaxşı nəticələr əldə etmir və sonda 3-cü olur. Milan da eynilə qənaətbəxş çıxış etmir və sezonu 5-ci bitirir.
Gələk Çempion Hellas Veronaya. Bu hadisəni yalnız 2016-cı ildəki Leicester city çempionluğu ilə müqayisə eləmək olar. Belə nağıllar məncə bir də olmayacaq. Zatən Veronanın ilk və tək çempionluğudu. Bu "balaca" klubun çempionluğunda əsas rollar yayda transfer edilən alman Hans Peter briegel və danimarkalı preben elkjaer ilə birlikdə oyunun sistemini onların üzərinə quran baş məşqçi osvaldo Bagnoli olur. Qapıda da garella əfsanələr yaradır, amma sezon sonunda çempion olmaq üçün sağa sola pul xərcləyən (təbii ki, bunda siciliya mafiyasının da rolu böyükdür) Napoliyə keçir. Komandanın əsas qol maşını guiseppe Galderisi olur və ümumilikdə 11 qol vurur. Hellas verona ilk turda maradonalı Napolini 3-1 məğlub edir. Yuventusu ilk dövrədə 2-0, Romanı isə 1-0 la keçirlər. 2ci dövrədə isə hər ikisi ilə heç-heçə edirlər. İnter və milanla isə hər iki dövrədə matçlar heç-heçə bitir. Verona sezon boyunca sadəcə 2 dəfə məğlub olur. 15-ci turda avellinoya 2-1, 25-ci turda Torinoya 1-2. Ki Torino da bu sezonu əla keçirib sonda 2-ci olur. Ümumilikdə verona 30 oyuna (15 qələbə, 13 heç-heçə və 2 məğlubiyyət) 43 xal toplayır. 29 tur lider olurlar. Sadəcə 16-cı turda İnter 1 həftəlik lider olur. O dərəcədə əzmkar oynayırlar. Coppa Italiada isə 4/1-də İnterə uduzurlar. İnter yarımfinalda Milana, milan isə finalda Sampdoriaya məğlub olur.
Bir haşiyəyə də çıxmasam olmaz. Serie a tarixində məhz bu sezon bir ilk gerçəkləşir və bu sezondan sonra bir daha bunu etmirlər. Bura kimi hansı hakimin hansı oyunu idarə edəcəyi 3-5 gün qabaqcadan müəyyən olunurdu. Amma bu mövsüm məhz oyun günü püşk ilə hakimlər təyin edilir. Və Hellas verona çempion olur. Və bir daha bu üsul təkrarlanmır. Və verona kimi "balaca" komandalar bir daha çempion ola bilmir. İf you know, you know.
Son olaraq fantastik mövsümün ilk 5-liyi və bəzi səhnələr:

28 may 1997 b.dortmund - yuventus matçı | idman

tissot prx | texnologiya

ray ban | sağlamlıq

1984-85 serie a sezonu | idman

red hot chili peppers | musiqi

the hateful eight ★ wiki | kino

Quentin tarantinonun yazdığı və rejissorluğunu etdiyi, 2015-ci il istehsalı, oskar mükafatlı və buram-buram the bad the good and the ugly qoxan film. Hə, ikonik cümləni deməsəm, olmaz: 15o illik gitaranın bir səhnədə parçalandığı film. Həmçinin tarantinonun ilk iki hecalı olmayan filmi. *
Reservoir Dogs - 1992
Pulp Fiction - 1994
Jackie Brown - 1997
Kill Bill: Volume 1 - 2003 ps. volume sözün saymazsaq swh
Kill Bill: Volume 2 - 2004
Death Proof - 2007
Inglourious Basterds - 2009
Django Unchained - 2012
The Hateful Eight - 2015
Once Upon a Time in Hollywood - 2019




the bad the good and the ugly filmini izlədikdən sonra bir western boşluğu yaranmışdı. Bo boşluğu Tarantinonun Django Unchained filmi ilə doldurmuşdum. Djangonun boşluğunu isə elə məhz bu film - "the hateful eight" doldurdu.

Rollarda Samuel jackson, kurt russell ön planda olsa da, bəlkə də, bu filmi özəl qılan şeydən biri də hər obrazın vaxtı gəldikdə baş rolu oynamasıdır. Yəni filmdə * mənə görə konkret "baş obraz" ifadəsini işlədə biləcəyimiz obraz yoxdur.

Filmin qısaca hekayəsini desək, kəllə ovçuluğu edən (bounty hunter) John Ruth başına 10 min dollar qoyulan Daisy Domergue-i red rock qəsəbəsinə aparır. Şerifə təslim edib başı üçün qoyulan 10 min dolları almağa görə. Yolda isə hadisələrin cərəyan etməsi ilə film sizi öz içinə alır. Filmin müddəti 2 saat 40 dəqiqədən çox olsa da, bu vaxt ərzində sizi yormur. Əksinə film hər bir obrazın hekayəsini məharətlə izləyici ilə tanış edir. Məhz bu xarakteristik özəlliklərinə görə film digər filmlərdən seçilir. Əlbəttə, bu filmi mənim sevmə səbəblərimdən biri də one location movie (yaxud qısaca: one location) formatında olan filmlərdən * bütün hadisələrin yalnız bir məkanda keçdiyi film çox xoşum gəldiyi üçündür.




Spoilerli incələmə üçün davam edə bilərsiniz.

--spoiler--
Yuxarıdakı ikonik girişi açıqlayım.
Əvvəlcə səhnəni izləyək: (3: 39)

Filmi ilk dəfə izləyəndə Jenifer Jasonun (Daisy obrazının) gitaranın parçalandığı səhnədə obrazdan çıxdığını gördükdə olduqca təəccüb etdim. Çünki bu heç də bizə tanıdılan daisy obrazına xas bir şey deyildi. Filmi bitirdim və təbii ki, o səhnə üçün insanların nə dediyini axtardım. Və bəli, oradakı təəccüb Daisy obrazının deyil məhz Jenifer Jasonun təəccübü idi.
Bəs yaxşı bu qədər təəccüb nəyədir? Jenifer Jason bu səhnədə gitaranın John Ruth (Kurt Russell) tərəfindən parçalanacağını bilmirdi. Bununla yanaşı Kurt russell səhnədə orijinal antik gitaranın deyil, əksinə saxta, adi bir gitaranın istifadə olunduğunu düşünürmüş. Əlbəttə, bunları rejissor heç birinə bildirməmişdi. Şəxsən məndən soruşası olsanız, səhnənin bu halını bilmədən izlədikdə bəyənməsəm də, arxasındakı hekayə daha ikonik etmişdir.


Filmdə mayor "marquis"in analiz qabiliyyəti məni xeyli heyrətləndirmişdi. Ümumiyyətlə, detektiv janrının çox həvəskarı olmasam da, kofeyə zəhər tökülən səhnədə marquisin bir detektiv ədası ilə otaqdakıları tək-tək ortaya çıxartması, ən əsası, sweet dave və minnie (həmçinin digər obrazların) obrazlarının öldürüldüyünü açığa çıxartması, bundan əlavə isə hadisənin bir nəfər tərəfindən deyil də, bir neçə nəfər tərəfindən törədildiyindən şübhələnməsi çox mükəmməl detallardan biridir. * küçümsəməyin bu detalı, çünki keçmişdə bir çox təcavüz, ölüm məsələlərinə qrup tərəfindən deyil, bir nəfər tərəfindən edilmə şübhəsinə görə bəzi cinayətlər illər sonra aşkarlanıb. Məsələ ilə bağlı memories of murders filmini izləyə bilərsiniz İzlədikdə ən çox həzz aldığım səhnələrdən birisi ola bilər.


Filmdəki mənə görə, ən yaxşı səhnələrdən biri də mayor "marquis"in generalın oğlu haqda olan çıxışı idi.
(azərbaycan dili üçün aşağı sürüşdürün)
it was cold the day I killed your boy.
And I don't mean snwoy mountain in
Wyoming cold. It was colder than that.
And on that cold day,
with your boy at the
business end of my gun barrel...
I made him strip.
Right down to his bare ass.
Then I told him to start walkin'.
I walked his naked ass for two hours,
'fore his cold collapsed him.
He's just a sneaky nigger
tryin' to getcha to go for that gun!
Then he commits to begging again.
But this time he wasn't begging to go home.
He knew he'd never see his home again.
And he wasn't beggin' for his life neither.
'Cos he knew that was long gone.
All he wanted... was a blanket.
Now don't judge your boy
too harshly, General. You
ain't never been cold as
your boy was that day.
You'd be surprised what a man that cold,
would do for a blanket.
Wanna know what your boy did?
I took my big, black,
pecker outta' my pants.
And I made him crawl through
the snow on all fours over to it.
Then I grabbed a hand full
of that black hair on the back his head...
Then I stuck my big, black Johnson
right down his goddamn throat.
And it was fulla' blood, so it was warm.
You bet your sweet ass it was warm.
And Chester Charles Smithers,
sucked on that warm black dingus
for long as he could.
Starting to see pictures, ain't ya'?
Your boy...
black dudes dingus in his mouth.
Him shakin', him cryin'
me laughin'
and him not understandin'
But you understand, doncha' Sandy?
I never did give your boy that blanket.
Even after all he did,
and he did everything I asked.
No blanket.
That blanket was just
a heart breakin' liar's promise.
Kinda' like those uniforms
the union issued those colored troopers,
that you chose not to acknowledge.

Oğlunu öldürdüyüm gün soyuq idi.
wyomingin qarlı dağlarının soyuqundan bəhs etmirəm. Ondan daha soyuq idi və o soyuq gündə tüfəngimin lüləyini oğluna tuşlayaraq onu soyundurdum.
lümlüt idi.
yeriməsini dedim.
o çılpaq götü ilə yıxılıb qalana qədər iki saat yeritdim onu.
yenidən yalvarmağa başladı.
ancaq bu səfər evinə dönmək üçün yalvarmırdı.
Evini bir də görməyəcəyini bilirdi. həyatı üçün də yalvarmırdı.
çünki o ehtimalın da çoxdan bitdiyini bilirdi.
Tək istədiyi bir adyal idi.
oğlunu qınama, general.
o gün oğlunun üşüdüyü kimi həyatında üşüməmişsəndir.
üşüyən bir adamın adyal üçün nələr edə biləcəyini bilsən, təəccüblənərsən.
oğlunun nə elədiyini bilmək istəyirsən?
böyük, qara şeyini şalvarımdan çıxartdım və o qarda
dizləri və əlləri üstündə ona doğru getdim.
sonra başının arxasındakı qara saçını əllərimlə qavradım. böyük, qara şeyimi qırtlağına qədər soxdum.
qanla dolu idi, ona görə də isti idi.
isti olduğuna əmin ola bilərsən.
chester charles smithers... o isti qara şeyi heç dayanmadan yaladı
gözündə canlandırmağa başladın, elə deyil?
sənin oğlun ağzında zənci şeyi ilə.
o titrəyirdi, ağlayırdı.
mən gülürdüm.
və o anlamırdı.
amma sən. sən anlayırsan, elə deyil?
oğluna o adyalı heç vermədim.
o qədər şeyi etdikdən sonra belə. ki istədiyim hər şeyi etdi. adyalı vermədim.
o adyal sadəcə qəlb qıran yalançının sözü idi
eynilə birləşmiş ştatların qaradərili əsgərlərə verdiyi, amma sənin tanımamağı seçdiyin uniformalar kimi.

kodak

1986 klivlend şar festivalı | tarix

(youtube: )

i̇qbal bano | musiqi

din ★ wiki | din

özünü tanıyan tanrını tanıyar . bu fikir demək olar ki,bütün dini cərəyanların mottosu kimi səslənir.məncə özünü tanıyan bütün insanlığı tanıyar və insanın bilincini,xəstəlikləri (nevrotik),heyvani yanlarını,təbiətlə ortaq cəhətlərini və başqa bu kimi cəhətlərini kəşf edib,əslində bunların təsirlərindən yaranan,inanılan tanrıların kor olub görməmək üçün gözlərimizə girən barmaqlardan ibarət olduğunu görər..sizcədə hər dində tanrıların sayısız adlarının olmağı buna sübut deyil.?keçmişə nəzər saldıqda,mıncə insanlıq və insan beyni bu gün getdikcə mexanikləşir. (buda özüylə nevrozluğu gətirir).

paleolit dövrdə insanlar heyvanlarla bütünləşmişdi.hər ovladığı heyvandan inandığı heyvani tanrıya qurban olaraq pay ayırıb,qorxu hissiylə təşəkkürünü bildirirdi..bəlkədə belə bir inancın yaranmasına səbəb ovladığı heyvanın qanıyla öz qanının eyni rəngdə olmasını görüb ,yeni yeni qığılcımlanan şüurun nəticəsiylə oyanan cüzi vicdanın yaratdığı mistik bir abu havaya bürünməsi olub.insan özünü heç bir canlıdan ayırmırdı sadəcə acdı və sağ qalıb yaşamaq üçün yemək lazımdı.maraqlısı odur ki, bu insanlar yarı heyvani tanrılarına qurban payı olaraq ovlanan heyvanın və ya qurban edilən insanın kəlləsini verirdi.yəni ən sevdikləri parçanı.necə bir mistik havaya bürünmüşdülərsə ovun (qurbanın) beynini yeməklə onda var olan gücləri əldə edəcəklərinə inanıblar.ovun kəəllə sümüyünü saxlayıb və ya haradasa bastırıb,yarı heyvani tanrılarının ona nə vaxtsa yenidən can verəcəyini düşünürdülər.qısası tanrı fikri heyvanlıq aləmindən yaradılmışdı.

mənə həmişə maraqlı olan insan beyininə,şüuruna nəyin təmas edib təkamülünə sürət verməsidi.bir çox fikirlər var amma dəqiq nəyin?.bəlkədə hər şeyin cavabı bu olduğuna görə heçvaxt dəqiq olaraq bilinməyəcək. ( stenli kubrikin filmində olan qara daş səhnəsi yadıma düşdü,filmin ana temasıdı bu fikir).insanın zamanla dikəlməsi,iki ayaq üstündə gəzə bilməsi eynilə beyninin sürətlə inkişafına səbəb olur.ətrafı daha rahat görür,əllərini zamanla sərbəst işlədə bilirsən,yemək şəklin,yediklərin dəyişməyə başlayır.və başqa bunun kimi bir çox önəmli davranışlar.misal üçün,tərəvəz,meyvə bu kimi şeylər daha çox yeməyə başladıqca bağırsaqların ağır yeməklərə ayırdığı enerji sərbəst qalıb,beyinə yönəlməyə başlayır.bax bununda beyinin inkişafına bir növ təkan verdiyini düşünürəm.

çox uzun oldu.qısası...mezolit dövrün gəlməsiylə bütün sistem demək olar ki,dəyişməyə başlayır. (sözsüz ki, bu uzun bir zaman nəticəsində yavaş - yavaş baş verir).əkinçiliyin,buğdanın kəşfi,taxılın,bitkilərin əhilləşdirilməsi insanların həyat tərzinə,düşüncəsinə sözsüz ki tanrısına belə təsir edir.təbiət,bitki tanrılaşdırılır.torpağa bağlılıq anaerkil (tanrıça) inancını getdikcə gücləndirir.hətta insanlar ölülərini belə məzarlara cenin şəklində (ana rəhmində olduğumuz vəziyyət) bastırırdılar.bu ana tanrıçaya (bətnə) qayıdıb,göylərdə olan tanrının yağış vasitəsilə tanrıçayla birləşib yenidən doğulmağı (eləcədə təbiətin yenilənməsi)simvolizə edirdi.əkinçiliyin sistemə zamanla oturmasıyla ovçuluq bacarıqları seyrəkləşməyə başlayır. (yeməkləri toplayıb stoklamağımız primatların,məməlilərin içində üz qarası olmağımızı göstərir.).və bu ovçu adətlərini dəvam elətdirən az saylı insalara əkini daha doğrusu tanrıçanın verdiyi nemətləri qorumaq işi tapşırılır. (bəlkədə rahibliyin təməllərini bunlar atır).tanrıçanın bədənindən qidalandığımız nemətlərin təsiri tanrıça heykəllərininin şəklinə belə təsir edir.ovçu-toplayıcı tanrıça fiqurlarından fərqli olaraq,sonradan tanrıça heykəllərini obezitləşib şişmanladığını görürük.sağlam bədənli yarı vəhşi atalarımız və daş dövrünün daş kimi qadınları buğdanın (taxılın, əkinin) gətirdiyi doyurucu tənbəlliyi yaşamağa başlayırlar.

məncə insanın fitrətində hər yenilikdən sonra gələn,istifadə etdiyi,yaşamasında,sağ qalmasında,güclü hiss etməsində,gündəlik həyatında önəmli bir yeri tutduğu hər bir şeyi tanrılaşdırma xəstəliyi var.necə ki,bu gün tanrı puldu yəni fed,( menat).. (pula,pul qazanmağa qarşı deyiləm sadəcə vasitədən çıxıb məqsəd olduqda işlər dəyişir).banklar məbədləri,milyonçular,sahibkarlar ruhban sinifi və bu sistemin tək tip kostyumlu işçiləridə rahib və rahibələri rolu oynayır.yerdə qalan işləməklə dahada borclanan insanlar təbii ki,kölədi. (diqqətli olsan bütün dinlərin tanrısında eyni bənzər sistemi görə bilərsən ).nə qədər ibadət edirsən et,yenədə mükafatının cənnət yoxsa cəhənnəm olduğunu bilməyəcəksən.amma içində bir mükafat ümidi var..nə qədər işləsəndə,pul qazansanda,qazan ,bir az rahat həyat yaşasanda getdikcə borclanırsan pul tanrıya.pul tanrı,fed,menat üçlüsü məbədlərində (bank) gedən proseslərlə qanunlar qoyur,ibadət şəkillərini hədisvari izah edir,cəzalandırır,məhkəməlik edir,süründürür bir sözlə tanrı fed həyat verib,həyat alır.ruhban sinifi (sahipkarlar) tanrıdan əmrləri alıb rahib və rahibələrə verir onlarda kredit və başqa bu kimi ehtiyacları təbliğ etməklə dinə çağırırlar.bu sistemə uyğunlaşıb yaşamaq istəyən insan bu dini qəbul edib pul tanrısına məbədlərində (bank) səcdə etməyə məcburdu.

ardı var...

davide moscardelli | idman